Cwestiynau cyffredin
A godir tâl am ddefnyddio QR Cymraeg?
Gall ymwelwyr â QR Cymraeg gynhyrchu codau QR am ddim, naill ai'n ddienw o'r hafan, neu drwy gofrestru am gyfrif rhad ac am ddim sy'n caniatáu ichi weld dadansoddiadau sylfaenol. Bydd codau QR syn cael eu cynhyrchu drwy'r naill neu'r llall o'r llwybrau hyn yn ddilys am flwyddyn. Nid yw'r wefan yn defnyddio cwcis trydydd parti, yn gwerthu eich data nac yn dangos hysbysebion yn unrhyw le.
Os oes gennych chi ddiddordeb mewn nodweddion ychwanegol, mae gennym hefyd amrywiaeth o gynlluniau taledig ar gael. Mae pob un ohonyn nhw ar gael gyda threial 30 diwrnod rhad ac am ddim heb yr angen i gyflwyno unrhyw fanylion talu. Ar gynlluniau taledig, fydd eich codau ddim yn dod i ben. Gallwch hefyd olygu'r URLs ar gyfer codau ar ôl eu creu; gweld dadansoddiadau manwl, a llawer mwy.
A oes gennych chi unrhyw dempledi yn dweud 'sganiwch fi' neu 'sganiwch yma' yn Gymraeg a Saesneg?
Mae'n rhyfedd i chi holi! Oes - rhowch gynnig ar y ffeil zip hon. Mae'n cynnwys gwaith celf dwyieithog gyda'r amrywolion 'sganiwch fi' a 'sganiwch yma', fel PNG a SVG, i'w defnyddio gyda'ch codau QR. Mae croeso i chi eu defnyddio fel y gwelwch yn dda.
A oes dolen y gallaf ei defnyddio yn lle'r cod QR, i bobl deipio i mewn, neu i'w chael fel hyperddolen yn fy nogfen?
Oes - o dan eich cod QR, dewiswch 'Opsiynau' a rhoddir yr URL ar y gwaelod. Bydd ar ffurf 'qrcymraeg.com/cod 5 nod' . Sylwch y gellir teipio'r pum nod ar ddiwedd yr URL mewn llythrennau mawr neu fach.
Pam mae fy nghodau QR yn ymddangos yn aneglur os byddaf yn eu chwyddo?
Mae dau brif fath o ffeil graffeg yn cael eu defnyddio'n gyffredin - 'bitmap' a 'vector'. Mae ffeil bitmap yn cynnwys y picseli unigol i wneud delwedd, a bydd yn mynd yn aneglur os caiff ei chwyddo y tu hwnt i'w maint gwreiddiol; tra bod ffeil vector yn cynnwys y cyfarwyddiadau a ddefnyddir i wneud delwedd (ee 'tynnu llinell ar y brig, cylch isod' ac ati) a bydd yn graddio i unrhyw faint heb niwlio. Mae ffeiliau PNG yn bitmap, ac mae SVG yn vector. Mae ffeiliau PNG yn tueddu i gael eu cefnogi'n ehangach gan feddalwedd graffeg a dylunio.
Y fformat ffeil rhagosodedig ar gyfer lawrlwythiadau yn QR Cymraeg yw PNG (bitmap) maint canolig. Er mwyn atal y cod rhag mynd yn aneglur pan fyddwch chi'n ei chwyddo, cliciwch ar 'Opsiynau' o dan y cod QR, a naill ai dewiswch y maint delwedd 'Mawr' neu newidiwch y math o ffeil i SVG, yna cliciwch ar 'lawrlwytho'.
Pam ddylwn i ddefnyddio QR Cymraeg yn lle unrhyw generadur cod QR arall?
Oherwydd bod QR Cymraeg...
- Yn ei gwneud hi'n haws ac yn gyflymach dylunio'ch asedau digidol ac argraffedig, gan gynnwys taflenni, posteri, adroddiadau ac arddangosiad digidol - dim ond un cod QR sydd angen i chi ei gynhyrchu a'i addasu yn hytrach na dau bob tro; ac oherwydd mai dim ond un cod sydd ei angen arnoch yn eich deunyddiau, bydd y broses ddylunio'n haws a'ch gosodiadau'n fwy deniadol hefyd
- Yn helpu cyrff y sector cyhoeddus i fodloni Deddf Llesiant Cenedlaethau'r Dyfodol a Safonau'r Gymraeg, drwy fynd ati'n rhagweithiol i hyrwyddo ac ymgorffori'r Gymraeg. Os yw eich codau QR presennol yn anfon eich cynulleidfa i dudalen Saesneg yn ddiofyn a bod angen iddynt wedyn ddod o hyd i ffordd o newid i'r Gymraeg os mai dyna yw eu dewis iaith, nid ydych yn trin y ddwy iaith yn gyfartal.
- Wedi'i adeiladu yma yng Nghymru - cefnogwch ap a adeiladwyd yng Nghymru, i Gymru
Mae gen i gwestiwn nad yw wedi'i restru yma
Anfonwch e-bost atafa byddaf yn falch o helpu. Diolch.